ती, तो आणि ते…
तो- हाय
ती- हम्म
तो- अजून ऑफिस?
ती- नाही. निघाले. तू?
तो- नाही अजून खूप काम आहे.
ती- अच्छा. म्हणजे सगळी टीम थांबली आहे का?
तो- नाही. फक्त मी आणि श्रिया.
ती- श्रिया म्हणजे तीच ना गेल्या वीकेंडला तुमच्या ऑफ साईट मध्ये दारू पिऊन तुझ्या अंगावर पडत नाचत होती? मी फोटो आणि व्हिडीओ पाहिले तिनेच अपलोड केलेले तुला टॅग करून.
तो- तू तेच लक्षात ठेव फक्त.
ती- ते मी विसरणार तरी नक्की नाही.
तो- आता बास ना तो विषय.
ती- तू पण खुश होतास एकदम.
तो- काहीही काय?
ती- काहीही नाही, खुश!
तो- मी का खुश असेन?
ती- नैसर्गिक आहे ते.
तो- wtf?
ती- ते f वगैरे तुम्हाला माहित दोघांना.
तो- बरी आहेस ना तू?
ती- हो मी बरी आहे. ती मात्र काय म्हणतोस तू तशी हॉट, कडक, टकाटक वगैरे वाटत असेल आता.
तो- बास ना आता.
ती- अरे वा मला भेटायचा कंटाळा आला होता हे माहीत होतं. आता बोलायचाही कंटाळा आला वाटत. बरं. सॉरी. फोन ठेवते.
तो- मी अस म्हणालो का?
ती- अनेक गोष्टी न बोलता कळतात मला.
तो- काय कळतात? सांग? सांगच आता.
ती- हेच की मी आता नकोशी झाले आहे. आता काय बाबा सेक्सी श्रिया शेजारी. ऑफिसात कोण नाही. मज्जा आहे. चालू द्या.
तो- तू थोडी वेडी आहेस का? इथे सीसी टीव्ही कॅमेरा असतात ऑफिसात आणि लक्ख उजेड असतो.
ती- अच्छा हे पण बघून ठेवलंय तर.
तो- काय?
ती- हेच की ऑफिस मध्ये एकांत नाही मिळणार.
तो- आता बास मला काम करायचं आहे.
ती- बरं बाय. सॉरी त्रास दिला उगाच तुला.
तो- पण नीट नाही बोलणार ना?
ती- काय बोलू?
तो- म्हण की आय लव्ह यु.
ती- मी नाही म्हणणार.
तो- का?
ती- इच्छा नाहीये.
तो- मग ठीक आहे. प्रेम आहे ना? ते महत्वाचं. बर मी म्हणू?
ती- काय?
तो- तेच.
ती- हम्म
तो- आय लव्ह यु! आता म्हण ना तू पण प्लीज..
ती-……..
तो- हॅलो. आहेस की गेलीस?
ती-….आहे.
तो- काय झालं?
ती- काही नाही.
तो- मग बोल ना?
ती- काय?
तो- बर मी म्हणतो तू रिपीट कर ओके?
ती- हम्म…ओके.
तो- आय
ती-…..आय
तो- जोरात बोल ना.
ती- जोरातच बोलते आहे.
तो- ओके. परत एकदा…आय
ती-……आय
तो- लव्ह
ती-……
तो- काय झालं? बोल ना.
ती- मला लाज वाटते.
तो- श्रिया येईल हां इतक्यात!
ती- (घाईघाईने) आय लव्ह यु आदि!
तो- काय? ऐकू नाही आलं. जोरात बोल.
ती- आय लव्ह यु! खूप खूप जास्त!
तो- बरं मग आजचा डिनर फिक्स ना?
ती- हम्म
तो- मी शार्प 10 ला खाली येऊन फोन करतो. तयार राहा. …हाय श्रिया…
ती- आली ती?
तो- हो जस्ट
ती- मग तिलाच ने ना डिनरला. मी कशाला हवी आता?
तो- तस काहीच नाहीये. यु नो दॅट.
ती- तुला हसायला येतय? मी इथे इतकी त्रासात आहे आणि तू हसतो आहेस?
तो- बाय. सी यु ऍट 10.
ती- अच्छा ती जवळ येऊन उभी आहे म्हणून हसत हसत इंग्लिश फडतो आहेस होय? आता आलं लक्षात!
तो- हाऊ स्वीट. ठेऊ आता?
ती- तुला हवं ते कर. आजचा प्लान कॅन्सल!
ती फोन कट करते. तो हसून काम सुरू करतो. पाच मिनिटांनी तिचा मेसेज येतो-
ती- आय ऍम सॉरी! मी दहा वाजता वाट बघते आहे. लवकर ये.
तो- ओके.
तो हसून फोन ठेवतो. काम सुरू करतो. सगळा स्ट्रेस एका क्षणात नाहीसा होतो. कारण त्याला तिच्या लोभस, निष्पाप चेहर्याबरोबरच आजची रंगत जाणारी रात्र नजरेसमोर दिसत असते!
- व्हॅलेंटाईन डे- सर्व भाग (१ ते ६) एकत्र - February 18, 2024
- वारसा (भाग ७) - November 27, 2023
- वारसा (भाग ६) - October 30, 2023
पुरुषांना बायकोच्या खोड्या काढण्यासाठी हीच सिच्युएशन का तयार करावी लागते? हे एक कोडेच आहे.